《Bookmark》 訂機票酒店必讀－優惠代碼Coupon code
去東南亞除咗泰國仲可以去邊呢？馬來西亞係東南亞最多遊客嘅旅遊大國，到星馬緊係要去吉隆坡啦，除咗勁多美食之外，仲有好多唔可以錯過嘅吉隆坡景點。小編就帶大家走訪吉隆坡！一齊黎睇睇啦！
嘉美清真寺(Jamek Mosque)
是馬來西亞歷史最悠久的清真寺
（source by wikimedia.org）
吉隆坡有馬來西亞歷史最悠久嘅清真寺，呢度融合咗印度同摩爾式建築風格，白色嘅屋頂、橘色嘅拱門，同一般嘅清真寺好唔同，但係同其他寺一樣，都係圍繞住莊嚴虔誠嘅氣氛。提醒大家，入去參觀唔著得短褲同拖鞋架！女生都要換長袍，同埋記得喺大廳時係唔可以影相架！
交通方式：乘搭輕軌列車 LRT 到Masjid Jamek 站落車，出站後就會見到嘉美清真寺
溫馨提示：訂酒店前一定要先去 kayak.com.hk/ Hotelscombined 格下價先！
品嚐馬來西亞道地美食
燕美巴剎ICC Pudu
（source by malaysianflavours.com）
喺吉隆坡燕美巴剎市場可以食到道地嘅馬來西亞早餐，市場入面有各種古早味嘅早餐店，環景就似香港嘅美食廣場咁，充滿住好多當地人由細食到大嘅美食。有海南茶、咖啡和麵包，椰漿飯、腸粉、咖哩麵、蛋塔等等應有盡有，如果想了解多啲當地人嘅生活，就一定要去燕美巴剎市場食下野喇！
開放時間：05:30-14:00 （週一休息）
地址：Jalan Kijang, Pudu, 55100 Kuala Lumpur / ICC PUDU, GF
秋吉市場
（source by gobackpacking.com）
秋吉市場係一個用棚架搭起的集合市場，裡面有蔬菜、水果、雜貨等唔同嘅區域，喺呢度可以見到好多馬來西亞當地嘅食材，亦都有熟食攤販，因為呢度係當地人生活嘅地方，所以價格就會比其他遊客區平好多，不過交通就唔係好方便喇，如果想去睇下嘅建議包車去會好啲！
開放時間：07:00-19:00 （週一休息）
地址： Jalan Tuanku Abdul Rahman, Chow Kit, 50100 Kuala Lumpur
小印度區
（source by bragging-like-a-brat.blogspot.tw）
小印度區位於中央車站嘅後面，係英國殖民時期成為咗鐵路樞紐，就係因為咁所以有好多從印度被招募過來做野嘅鐵路工人，不知不覺呢度就成為咗小印度區，喺呢度週圍都見到充滿印度風情嘅舖頭，仲有好多印度嘅美食，都幾特別架！去吉隆坡體驗馬來西亞嘅文化之餘，同時又可以感受一下印度風情！
交通方式：乘搭單軌電車在Tun Sambanthan站落車
溫馨提示：訂酒店前一定要先去 kayak.com.hk/ Hotelscombined 格下價先！
比個Like我地！立即讚好daydayplay.hk 日日玩！
