Home至醒攻略馬來西亞!吉隆坡景點、行程推薦、美食精選!(上)

馬來西亞!吉隆坡景點、行程推薦、美食精選!(上)


《Bookmark》
 訂機票酒店必讀-優惠代碼Coupon code

 

訂機票酒店前記得上 kayak.com.hk格下價先


去東南亞除咗泰國仲可以去邊呢?馬來西亞係東南亞最多遊客嘅旅遊大國,到星馬緊係要去吉隆坡啦,除咗勁多美食之外,仲有好多唔可以錯過嘅吉隆坡景點。小編就帶大家走訪吉隆坡!一齊黎睇睇啦!

雙子星大樓(Petronas Towers)

可以到空中橋梁俯瞰整個馬來西亞

雙子星大樓
(source by jllrealviews.com)

諗到馬來西亞吉隆坡,首當其衝就會諗起雙子星大樓,雙子星大樓又稱為國油大樓,呢度就好似你去台北一定會去101咁,都係遊客必訪的景點。雙子星大樓曾經佔據咗六年嘅世界第一高樓,後來先被台北101超越。雙子星大樓一樓係陽光廣場購物中心,建議可以上到第41、42層,果度有空中橋樑可以俯瞰整個馬來西亞,一定會係相當難忘嘅經驗!

開放時間:09:00-21:00(週一休息)
門票費用:成人-85馬幣、小童-35馬幣
交通方式:乘搭輕軌列車LRT紅線(Kelana Jaya線),到KLCC站落車後往樓上走就會見到雙子星大樓。


 

黑風洞(Batu Caves)

印度境外著名的印度教聖地

黑風洞(source by timetravelturtle.com)

黑風洞係近郊非常熱門嘅景點,距離市中心大約30分鍾車程,同時都係極具指標性嘅吉隆坡景點之一。黑風洞係印度境外著名嘅印度教聖地之一,裡面有洞穴同石灰岩山丘,係馬來西亞大寶森節慶典嘅重鎮,沿路仲有馬騮仔同你玩!

交通方式:乘搭KTM墨綠色線到黑風洞(Batu Caves)站落車,站外會見到有個綠色巨人雕像,表示歡迎來到黑風洞。

 



《Bookmark》
 訂機票酒店必讀-優惠代碼Coupon code


茨廠街中國城(Jalan Petaling Chinatown)

融合馬來西雅特色的中華美食

茨廠街中國城(source by kuala-lumpur.attractionsinmalaysia.com)

去旅行太耐通常都會掛住香港嘅中餐!想食傳統中餐就要去茨廠街中國城喇,茨廠街有好多融合馬來西亞特色嘅中華美食,仲可以搵到好多可愛有趣嘅紀念品。呢度大多數嘅店舖都係華人經營,有啲係馬來人、印度人,賣嘅野唔算貴,有時仲有價講添!所以就成為咗觀光客必到嘅吉隆坡景點,到吉隆坡一定要去茨廠街Shopping同食好野呀!

交通方式:搭乘輕軌列車 LRT Putra 線或吉隆坡快捷通 (Rapid KL Bus)到Pasar Seni站落車,出站行多陣就到達茨廠街。


 

蘇丹阿都沙默大廈(Sultan Abdul Samad Building)

擁有優雅的摩爾式建築風格

蘇丹阿都沙默大廈

吉隆坡蘇丹阿都沙默大廈於西元1897年落成,擁有優雅嘅摩爾式建築風格,過去係英國殖民時期嘅行政中心,對面就係獨立廣場,相當具有歷史意義架!宜家嘅蘇丹阿都沙默大廈變咗最高法院同手工藝術文化展示中心,有機會不妨去呢個吉隆坡景點參觀下啦!

交通方式:乘搭輕軌列車 LRT 在Pasar Seni 或Masjid Jamek 站落車,出站後行多幾分鐘就到達。


 

吉隆坡塔(Menara KL Tower)

有旋轉餐廳和觀景台可以賞吉隆坡市景

吉隆坡塔
(source by makemytrip.com)

除咗雙子星大樓外,吉隆坡塔都係其中一個著名嘅地標,仲係世界第七高塔。
周圍係咖啡山樹林,吉隆坡塔係一座電訊塔,負責傳遞當地幾間電視臺同電臺嘅訊號,塔內有觀景台、餐廳、廣播臺等等,喺觀景台可以踩喺全透明嘅玻璃上面俯瞰吉隆坡,樓上仲有間旋轉餐廳,可以一邊食飯一邊欣賞吉隆坡夜景!真係好特別呀!

開放時間:09:00-22:00

門票費用:成人-105馬幣、小童-55馬幣(室內景觀台+Sky Deck)

交通方式:乘搭單軌列車 (Monorail) 到Bukit Nanas站落車,行多15分鐘左右,或乘搭觀光巴士 Hop On Hop Off ,喺第二個站落車

 



溫馨提示:訂酒店前一定要先去 kayak.com.hk/ Hotelscombined 格下價先!


 

比個Like我地!立即讚好daydayplay.hk 日日玩!